Main wohh nahi jo dikhai deti hun,
Meri himmat mera honsla,
Meri udaan dekh kar puchhte hain log aksar,
Main kaun hun…
Main kya hun…
Main kyun itni behaya hun?
Main kyun nahi reh sakti simat kar,
Kyun main machlti hui si hawa hun?
Mere chehre par ye hansi kyun hai?
Kyun nahi main maun hun?
Mera astitv kyun hai khila-khila?
Kyun nahi main gaun hun?
Jo beeta itne sal us sab ko gathri mein bandh ke kandhe pe daal ke chalti hun,
Mat puchhna ye gthari kitni bhaari hai,
Kyonki meri ladayi aaj bhi jaari hai.
Jo beeta us sabko ek jawab dena chahti hun,
Un sare jakhmon ka kuchh hisab lena chahti hun,
Jo kiya, suna aur dekha, utna hi batati hun.
Aapke samne aurat ki ek tasvir nayi si banati hun,
Ghar–ghar ja kar aurat aur uske halaat se milkar aayi hun,
Apne saath apne pratibimbh ki jhalk dikhane aayi hun.
Main kaun hun….Main kya hun….
Bas yhi batane aayi hun
Sawal achchha hai magr jawab aachhayi ka mohtaj nahi,
Kyunki main woh hun jo yugon tak kuchli gayi, Yugon tak raundhi gayi,
Aankh ki sharm bata kar chulhe mein raundhi gayi.
Maine kuchh n bhi sahaa main barson purani lagi aag hun.
Main nayi si botal mein wahi purani sharab hun,
Umar mein thodi kacchi hun, par ab nahi main bachchi hun.
Dekha maine asifa ko ab aur nahi main acchi hun.
Main chup hun, main maun hun, main pure nabh ka shor hun, Main kaun hun….
Main mom ki gudiya nahi, Main na sajavt ka khilona hun.
Barso–barso se trasha maine jise main woh sapna solona hun.
Kyunki main woh nahi jo dikhayi deti hun.
Main sirf jahan mein sunayi deti hun.
Meri bhi kuchh parte hai, jiwan ki kuchh sharte hain,
Mere khawab sunehre hain kuchh kale hain kuchh gahre hain,
Meri aankhe kuchh bhuri hain par inmein chaku chhuri hai.
Aankh mila ke dekho tum, inmein kitni majburi hai.
Main aaj yahaan kuchh kah dun toh dena mujh ko tum dosh nahi,
Magar mere adhure khawabo ka ye antim wisfot nahi.
Main kaun hun???
Main na barud na goli hu, main usko chlane walon ka honsla jaruri hun,
Kyonki Main woh nahi jo dikhayi deti hun, main sirf labon se sunayi deti hun, Main kaun hun….
Tulsidas ki kuchh lines thi – Dhol, gawar, shudra, pashu, nari, Ye sab tadan ke adhikaari.
Tulsidas se keh dena unki soch ke aage ka jahan hun.
Main who nhi jo khud pe sharminda hun,
Main khilkhilati hun kyonki main ek azad parinda hun.
Sare maulvi, sare pandit ek fasaana hai.
Sabse pahala dhram mera khud main hi kho jana hai.
Main mandir ka diya hun main jangal ki aag bhi,
Apne sare khwaboh ki pahli-pahli parvaj bhi,
Aaj apmaan ke pyalon mein sharab bhi piti hun,
Chausar mein hari hui abla ki sari siti hun.
Main kaun hun….
Main sirf holi ka rang nahi, main holika dhan ki aag hun,
Kyonki main woh nahin jo mehboob ke hoton se sunayi deti hun,
Main woh hun jo khud ko khud ki najron se dikhai deti hun.
Main koyi khanakti chudi nhi, main woh khwahish adhuri hun,
Main maa ke haath ki puri nhi, main tel ki jalti majboori hun,
Main payal ka shor nhi main cheekh hun un raton ki,
Hathon se jisne bada kiya main khwahish hun un aankhon ki,
Main dabi huyi awaj hun, Beeta hua kal, aaj aur ek khwab hun.
Main kaun hu….
Main sari se jhalkta badan nahi, Apne aaram ka libaas hun,
Aur main purani rvayton ki shaam nhi, ek nayi soch ki agaas hun.
Main kaun hun…main kya hun…
Main sare jayaj iradon ki ek najayaj aawaj hun.
Barson se dekha gaya ek pyara khwab hun.
Beete kale kal ka ek sunder sa aaj hun,
Chahkti chidiyon mein shayad iklota baaj hun,
mujhe mehsoos karke dekho main sirf ek zajbaat hun…. main sirf ek zajbaat hun….
